王浩信濕平變「地踎」

王浩信與陳自瑤去年4月誕下可愛B女，兩人前晚難得撇低現時8個多月的囡囡，出外拍拖享受二人世界。當晚約7時，兩人手拖手現身中環，成功收身的陳自瑤一身黑色打扮，腳踏四吋高跟鞋，全程做好老婆陪老公王浩信揀男裝，只見王浩信穿梭數間店舖試西裝及恤衫，他似是有意換銀包，一度踎地細心打量飾櫃，更睇到托晒頭。

雖然有老婆幫眼，但最終未有收穫，及至發現記者後，兩夫婦即禮貌地打招呼，問到新年會否離港度假，王浩信說：「唔會啦！要陪BB。」一於留港帶愛女四圍逗利是。