劉心悠長者陪跑難溝仔
劉心悠昨日出席adidas活動時表示，近期正全力備戰下月的馬拉松比賽，很久未試過很集中及很密集地訓練的心悠感到非常開心，還拉了幾個朋友陪跑：「今年都係跑10K，希望可以一個鐘之內完成，但未試過，7年嚟最快嘅成績係1小時14分，過埋農曆年就跑，新年期間都要節食，有信心完成目標。我有個願望係想10年跑100K，之後就跑全馬馬拉松，今年係第8年。」
問到可會在跑步時識個男朋友陪跑，心悠說：「識唔到，我跑步時好專心，同埋啲音樂好大聲，聽唔到其他人講嘢！（有冇男仔望住你跑？）真係冇，我練跑嗰個場全部都係老人家。（轉個有靚仔嘅場或者搵個靚仔教練？）咁樣好分心。」
熱衷跑馬拉松的劉心悠，正積極備戰下月的10K賽。