朱咪咪下月再度踏上紅館連開兩場個唱，昨日在茶樓開記者會時，獲在場茶客造勢。她笑言今次不賣性感，但事先張揚找來「蘇基」古明華及金剛共度元宵「搞啲嘢」！

朱咪咪

古明華人氣爆燈，將於新正頭為朱咪咪個唱搞氣氛。（資料圖片）

朱咪咪（右起）開騷在即，好友余慕蓮、黃夏蕙及李龍基齊出席記者會撐場。

朱咪咪昨日破格在酒樓舉行記者會，為下月23、24日在紅館舉行的《朱咪咪大吉利是演唱會2013》宣傳，除了獲酒樓茶客撐場外，好友余慕蓮、黃夏蕙和李龍基亦特地現身打氣。咪咪姐人氣強勁，昨日宣布加開24日的一場，旋即賣出一半門票，老闆張耀榮隨即送上智能電話作獎勵。外界反應熱烈，但咪咪姐不打算再加場，更笑說：「我又唔等錢使。」

自認唔正經

上次在演唱會剝褲騷「肉腿」的咪咪姐，笑言今次要收起性感：「搵唔到嘢再除喇！豬腩肉減幾年都減唔到，事業線我呢啲良家婦女又唔想露！」尾場個唱適逢正月十五，她透露將與近期人氣急升的「蘇基」古明華及金剛度中國情人節：「搵咗佢兩個做嘉賓，除咗唱歌仲會『搞啲嘢』，同唱少少粵曲。」

提到個唱取名「大吉利是」，咪咪姐解釋是好意頭：「通常遇到衰嘢先講大吉利是，即係用好嘅嘢擋住唔好嘅嘢囉！其實老闆唔係好鍾意呢個名，不過大家都知我份人唔正經o架啦！哈哈!」