莊思敏昨日穿上胸前通窿及露背裙出席化妝品活動，還即場卸妝以素顏示人。提到早前曾合作拍電影的梁烈唯受黃浩事件影響，令王晶由原本簽他十部電影改為逐部簽，莊思敏希望王晶不會受該事影響，又稱唯唯逐部簽可能是好事：「咁咪有機會畀佢加價囉！我覺得唯唯身價只會愈來愈貴。」

穿上通窿裙的莊思敏大談唯唯，還以素顏示人。

莊思敏

另外，談到有指默認曾跟林忠豪拍拖，莊思敏澄清：「係誤會！我從冇同佢拍拖，佢係想進一步發展。我喺微博澄清過，林生都緊張。（佢依家有個碩士女友？）我都想打畀佢了解，但我費事畀佢以為我妒忌，所以冇打畀佢，佢有拖拍我都戥佢開心。」