商天娥爆志偉滿場飛

藝人商天娥前晚以代言人身份出席工展會家品品牌活動， 在台上與老公李偉誠以短劇介紹電器。自爆除夕夜連趕三場的她表示，於曾志偉的派對玩至凌晨，問到志偉心情可有受「掌摑事件」影響？她說：「見佢好開心，我哋都冇傾到，盡在不言中啦！呢啲嘢好小事啫！（佢飲少咗？）唔見喎！佢周圍飛，仲愈夜愈多人。」至於新一年願望是能多外遊及陪伴家人，跟無綫簽部頭約的娥姐又希望一年接一套劇。問會否跟其他電視台合作？她表示和公司還有年半合約：「之前有人搵過我，但我表咗態，短期內都唔會，日後唔知，睇到時方向，或者我做生意。」