敏之願借錢兼介紹大狀

陳敏之與唯唯分屬好友，由於事件已交由律師處理，故不便多談，不過敏之表示作為朋友，一定會撐對方，問到唯唯有否告之他心情不快或感到徬徨時，她說：「其實我一知呢件事已經打電話畀佢，依家我哋宣傳緊劇集，都成日碰面，我唔覺佢特別唔開心。不過始終係官非，都唔係開心事，我叫佢有乜就同我講，做朋友咁樣已足夠。」問到知否唯唯有否足夠金錢打官司，敏之笑說：「如有需要我都可以借畀佢！但唔可以好多囉！（知佢依家有陳百祥撐會唔會安心啲？）梗係會，我其實都識好多大狀，佢有需要可以介紹畀佢，就算佢問我借錢，我會支持佢。」

而「關二嫂」黃智雯表示一直都有跟唯唯聯絡，不過她表示大家飯聚時都不會提及這單官司的事，亦不覺對方有特別的不開心，問現時有人表示支持他，會否戥他開心，她說：「會，希望佢快啲冇事，唔好被官非纏身。」