香香操肌練Madam氣勢

岑麗香與朱晨麗前晚偕鍾嘉欣及蘇永康等出席倒數活動，忙於拍新劇的香香稱正苦練肌肉做飛虎女將，而朱晨麗則大讚緋聞男友馬國明，但謝絕新戀情。

岑麗香（香香）、鍾嘉欣、「Morning朱」朱晨麗及蘇永康，前晚偕「巨聲幫」吳業坤、馮允謙及馬來西亞歌手葉俊亨等出席《Landmark North上水廣場「星光閃耀迎2013」》活動，眾人在台上拉紙炮倒數，與新鴻基地產代理有限公司高級租務經理廖慧慈及上水廣場物業及設施經理談國雄迎2013。身穿露肩長裙的香香及朱晨麗行騷兼大玩遊戲，於新劇飾演飛虎隊員的香香表示要積極練肌肉。問到會否怕與苟芸慧的《飛虎》比較？她說：「冇諗，我哋角色唔同。（少性感演出？）希望啦！《巴不得媽媽...》個角色似自己，好傻，所以易入戲，但今次要苦練Madam嘅氣勢。」

朱晨麗讚馬明細心

朱晨麗被主持拿她與馬國明（馬明）的緋聞開玩笑，她笑說：「同事成日笑我，問『Morning朱，馬明唔喺度嘅？』（有發展機會？）冇，係朋友，佢好細心。（唔係你杯茶？）佢好好，但我想專注工作，有緣就睇吓第時有冇機會。」提到新年願望，她說：「希望賺錢養自己。（搵人養？）呢啲嘢可遇不可求。」

至於在新劇獲陳展鵬抱抱營救逃離爆破現場的鍾嘉欣，自爆對方讚她夠輕盈：「佢話我得90磅，輕過啲替身，替身全部係男人。（拍前問過緋聞男友伍允龍？）冇，最近拍劇好攰。」對於有傳林峯欲退出娛圈，她表示支持對方的決定。而蘇永康撐好友梁漢文發聲明，撐他不會出賣曾志偉。對於鄧紫棋（G.E.M.）暗寸《叱咤頒獎禮》，他認為藝人有發言權。