張文慈中獎掃貨Fing錢

張文慈（Pinky）昨午現身又一城相約三五知己睇戲歎茶，其後到大型超市「買餸」。未知是否因天氣驟降，她包到冚躋身煮婦堆中，揀生果、壽司、芝士及黑毛豬腿肉，排隊付款期間，連放在旁邊的沐浴露及奶粉都唔放過，其後即急步到附近電器店選購暖爐，還跟售貨員討價獲折扣，相當精打細算，一輪狂風掃落葉，她偕友人到停車場取車。

事後Pinky接受電話訪問：「放得一日假，諗住整啲好嘢食同屋企人開Party！因為聽日（即今天）又要出埠做嘢嘞！（買暖爐？）送畀爸爸嘅，都驚畀佢鬧，話電費貴。」她還開心地表示早前出席澳門賭場慶典活動，竟與全枱人中獎20多萬元，平分後大家都「過肥年」！談到新年願望，她說：「依家生活滿足，只想全家人都身體健康，最多貪心啲想搵到個伴囉！」