謝賢跨年冇女陪

潮媽張栢芝昨日開跨年Party，跟家人及兩個寶貝兒子慶祝，而謝賢（四哥）昨日接受本報電話訪問時亦表示，將跟兩個孫仔見面兼過新年，不過當問他跨年有何節目時，他表示只會在家中Lonely度過：「大時大節從來都唔係我嘅節日。（女友陪伴？）真係冇人陪我。（買新年禮物畀孫仔？）都冇出街，點買？何況佢哋已經成屋都係禮物。」

對於日前四哥的準女婿安志杰在微博表示，一定會在2013年娶女友謝婷婷，問到安志杰曾否向他提親時，四哥說：「唔知喎！到時先算啦！（唔反對？）個女話事啦！女大女世界，我好開通嘅！（有冇訓示對安志杰講？）唔需要啦！」