梁漢文冇出賣志偉

有報道指梁漢文（Edmond）被懷疑是求自保而頂證曾志偉的藝人，他昨日在電話中強烈否認「出賣」志偉：「有冇搞錯！士可殺，不可辱，話我『二五仔』就唔得，我唔擔心志偉會誤會我，因為已經係案件，我唔可以講，只望快啲真相大白。」他又指婚後已戒夜蒲，故沒有出席志偉的末日派對。另有報道指藝人梁烈唯（唯唯）早前開口力撐曾志偉惹怒黃浩，結果遭黃浩發律師信告誹謗，昨日他在電話中表示事件已交由律師處理，故不作回應。