秋生嘲王征教唔掂：佢識？我切！

黃秋生前晚與拍檔梁祖堯演出舞台劇《極地情聖》尾場，得悉亞視又爆新聞，他笑說：「咩新聞？畀人燒咗？（亞視要藝人上堂。）咁即係啲藝員唔得啦！（學亞視55年歷史。）黐根！我入亞視嗰年至係第一年，邊得嚟55年？（曠課即炒？）係咪合約寫明先？請我做秘書，無端上堂性教育，告得入o架！唔啱上埋政治課吖笨！亞視係馬克思開嘅，副台長係恩格斯。好喇！咁邊個教？（王征有份。）佢識幾十年電視史？我切……個頭落嚟！（高層騎呢？）我會形容係有趣同有娛樂性。」他更邊說邊扮跳騎馬舞，揶揄月前在政總跳舞的王征。