可拒簽訓練同意書

對於亞視要求藝員上堂前簽署「演藝訓練計劃同意書」，黃國桐律師大感不惑：「如果僱傭合約有提到要受訓，點解仲要簽多份同意書？藝員有權唔簽。」至於保安監場、錄影及要求學員打卡等，他認為問題不大，但要交出手機則有商榷餘地：「主辦方可要求學員校震機或熄機，但冇權要求交電話。」至於主辦方要求對課程保密，他指出若洩露筆記會構成侵犯版權，但若口頭洩露大致內容則問題不大，至於公開課堂照，他說：「主辦方有權以對方不尊重講者為由即時解約！」此外，因「曠課」被炒的戚黛黛、陳綺雯（Aki）、張紫櫻（車車）及張啟樂，據知已向演藝人協會理事及香港電視專業人員協會副會長肥媽求助，肥媽說：「有個中間人打畀我，話佢哋想兩個會幫手。（中間人係邊個？）林韋辰，我即刻打畀兩個會嘅會長曾志偉同徐小明，佢哋答應幫手，仲安排律師睇佢哋份約，但要等放完假先知下一步點做。」但林韋辰否認是中間人，澄清只是傳遞消息。