峯珊水起爆Job

徐子珊雖然失落無綫頒獎禮「視后」，但原來她卻是「D后」，她指最難忘小時候聖誕節，親友教她玩啤牌「鋤大D」；而林峯聖誕節則身在內地拍劇，忙得充實。

徐子珊和林峯在聖誕節忙個不停，子珊剛拍完賀歲片，難得有兩天假期，可以與親友開聖誕派對盡歡，明日才再投入工作飛往北京開工。子珊表示，聖誕節最難忘的莫過於小時候親友教她玩啤牌「鋤大D」，自言「鋤大D」了得的子珊大殺三方，雖然失掉「視后」，但原來卻是「D后」。

儲首期置業

子珊今年工作大豐收，問到買甚麼聖誕禮物獎勵自己？她說：「一路都想同屋企人住，其實最想買一間大屋，可以成家人一齊住，依家努力儲緊首期。（你畀楊怡得民心，呢樣嘢更重要？）喺台上講嘅一番話係自己嘅心底感受，知道公司咁多人錫我其實好窩心，自己得到嘅係好多。（戥林峯攞唔到視帝唔抵？）當然失望，阿峯係三棲藝人，佢三方面都處理得好好。」

大忙人林峯則沒有子珊那樣悠閒，因聖誕節他身在內地趕拍內地劇，未能與家人歡度聖誕，即將舉行演唱會的他，除拍劇外，也要為演唱會錄歌及體能鍛煉，聖誕節忙得充實。