關詠荷窒Bobby肚腩大過老公

歐陽震華（Bobby）與關詠荷（Esther）這對「螢幕情侶」昨日到元朗拍攝新劇《情逆三世緣》，雖然要在平安夜開工，但二人有幸能趕及晚上與家人團聚慶祝。兩人相隔多時又再合作，依然合拍，拍攝以外不時互窒。

Bobby笑Esther拍劇更上一層樓，又透露張家輝不時探班兼愈來愈大隻：「張生叫我氹得佢老婆開心啲，一知道要拍通頂，佢就靜靜雞嚟探班，仲帶埋幾舊肌肉嚟添！隻手足足大我一倍。」Esther大笑說：「佢肚腩唔夠你大！」對於老公悉心關懷，她大感窩心。雖然老公經常拍戲受傷，但Esther明言不會勒令減少危險演出，只寄語他愛惜身體：「佢其實都小心，但有時劇情需要，發生意外個個都唔想！」同場的黃智賢有騎馬戲份，他表示曾從馬背上摔倒受傷，留有陰影。