徐靖雯赴日遇7.3級地震

傅嘉莉、 模特兒徐靖雯（Jenny）及化妝師張學潤昨日擔任《Dragon Icon模特兒大賽》嘉賓評判，Jenny自爆早前與母親到東京旅行遇上7.3級大地震，當時她倆在酒店房，看見房內的東西搖晃，Jenny驚到立即跑落街，她說：「我真係好彩，冇去兩年日本，咁都畀我遇到地震。（男友周子揚擔心？）朋友有打電話畀我，好彩冇事，聖誕都係留喺香港。」

同場的傅嘉莉透露《衝上雲霄II》是無綫2013年的重頭劇，希望觀眾可以接受她。與吳卓羲有不少對手戲的她，被問到會否投入真感情？她說：「喺劇中用眼神暗戀佢，角色以外潛意識都會鍾意佢，因為眼神冇得呃。」並希望2013年能找到一個穩定的男朋友，不乏追求者的她卻揚言要「睇定啲先」。