王維基隨時接收被炒藝員

「香港電視」（前身CTI）昨晚舉行周年聖誕晚會，在會展筵開160席歡宴旗下藝員。對於亞視有藝員因缺席藝訓班而被炒，老闆王維基表示投放資源培訓藝員是好事，但對藝訓班的內容及政策是否欠人情味等則一概不願置評，問到可會接收被炒藝員？他說：「好提議！反正我哋未夠人拍劇，只要有把火、有熱誠嘅台前幕後都需要！我哋都有藝訓班教唱歌同跳舞，仲有少少車馬費，參加者係自由報名！（你會教？）我何德何能？可能佢哋（指王征）叻啦！我上堂聽就得。」同場的黃日華則說：「缺席都炒？一定係好多學生唔讀博炒！（你願意上堂？）畀我揀不如申請做教嗰個！」梁小冰就未知炒人一事，卻稱老公陳嘉輝是亞視藝訓班的導師之一：「嘉輝未開始教！（制度殘忍？）不便畀意見。」