周柏豪大豐收跑贏通賬

出道5年的周柏豪，今年成績突飛猛進，下年瞄準紅館進攻，收入豐厚不單跑贏通脹，更自爆足以買金磚投資保值，他揚言待打穩經濟基礎後，就會建立屬於自己的家庭。

剛推出的第7張大碟銷量火速報捷，周柏豪承認對今年的成績感到滿意，他說：「今年出咗2張碟，年頭做咗演唱會，下星期又連開3場騷，我覺得自己好犀利，做到自己最想做嘅嘢。」他明年的目標會瞄準紅館，也希望將舞台性的演出搬去世界各地表演，他笑說：「唔想畀自己停，希望一年比一年好。」

事業穩步上揚的柏豪，承認今年大豐收：「今年賺得最多，（跑贏通脹？）贏就贏咗，當然想再好啲。」早年已學懂置業的柏豪，希望將來有能力買間千萬豪宅跟爸爸和媽媽一起住。早前跟華納唱片續了新約，柏豪坦承續約身價足夠置業：「可以買到，但我唔買住，反而同朋友研究，買咗金投資抗通脹。」他還自爆將金磚放在一個隱蔽、安全的地方，而非放在銀行保險箱：「依家時勢梗係信自己，我都有打開睇過啲金，哈哈！但睇過一次咋，我都驚整爛。」

遺憾婆婆病逝

回顧今年的成績，柏豪百感交集，事業雖然大躍進，但遺憾是他最敬愛的婆婆病逝，他說：「我都拋開咗，婆婆病咗九個月都好辛苦，相信佢去咗另一個國度會更加好。」婆婆生前願望是他早日成家立室，他說：「依家壓力冇咁大。」家人、朋友都支持他放多些時間和精神在工作上，打穩經濟基礎才結婚生仔，柏豪說：「我都唔想嘥時間拍散拖，拍得拖都會想結婚，（圈外緋聞女友係咪你結婚對象？）係非常好嘅朋友。」