黃建東拍住阿媽「抓錢」

藝人黃建東（Derek）與媽媽早前母子檔行善，齊為慈善籌款節目出力，Derek說：「我第一年參與呢個籌款節目，特登度咗一個自彈自唱故事加Rap嘅表演，歌詞內容係呼籲大家踴躍捐輸，而媽咪就為家燕姐（薛家燕）嘅表演伴舞。當晚我喺現場見到媽咪除咗忙自己嘅表演綵排外，仲四出幫我個表演環節籌款，令我好感動。今次個演出內容係我用咗幾晚通宵度嘅，因為選港男時攞過才藝獎，好希望今次表演至少唔會比上次遜色，所以唔多唔少都有壓力，好彩好多朋友睇完都畀Like，仲好驚訝我識彈琴同作曲，好感激佢哋！但最開心嘅係可以同媽咪一齊行善，有機會嘅話，希望以後每年都可以同屋企人一齊做善事！」