李曼筠一拖四過節嘆孤單

李曼筠今年要過單身聖誕節，日前她獨自擦聖誕大餐，笑言一個人吃美食依然享受，她透露會閉關過節為新飲食書寫稿，亦免得外出撞到滿街情侶。

女藝人李曼筠（Maggie）對飲食甚有研究，最近埋首寫飲食書，介紹不同拍拖階段適合去的餐廳，這日她到位於銅鑼灣樓上舖的意式餐廳狂擦聖誕大餐，面對眼前四款美味佳餚包括西西里紅蝦麵、乳豬卷、牛奶芝士冷盤及香濃番茄湯，Maggie食到「Lam Lam脷」，笑言即使一個人歎大餐都很滿足：「個乳豬卷用紅酒釀，紅蝦麵就有蝦膏，唔怪得咁香濃！每一款都好有特色，而且餐廳氣氛非常浪漫，啱晒用嚟放喺我本書求婚嗰個題目。」

Maggie提起食經即滔滔不絕，大談最近為寫書而到處「暴飲暴食」，但她是個慳家小女人，聖誕假多數不外出：「因為嗰幾日出街食太貴，就算之前拍拖都會錫住男友荷包，早幾日預祝先！」

唔趕住嫁

單身的Maggie表示今年聖誕會閉關寫書，以免外出見到通街情侶而眼冤：「可能同班朋友開Party，正日就喺屋企寫稿同陪屋企人。」身邊不少友人如李蘊已有另一半，令她羨慕不已，並希望過浪漫聖誕，隨即又改口表示不急於拍拖：「已經有四個男友陪（意即四隻愛貓）！其實身邊好多人錫我追我，但到埋身我又會Say No，要觀察好耐，唔想咁易開始一段感情。我又未到年齡結婚，所以都唔急住拍拖！」