陳祉妤拒做人肉衣架

失婚後的名模陳祉妤（Balia）近年積極重返天橋界，再為事業打拚，由於天生具備模特兒的身材，復出後獲得不少大型品牌垂青。Balia早前為時裝品牌Laurel示範一系列冬裝，穿上皮草的她大談時裝心得：「其實做呢行咁多年，從中學到好多嘢，好多行外人以為做Model只係一個人肉衣架，但我喺呢行就覺得呢個說法唔正確，欣賞時裝係可以提升個人品味，亦都認識到每個品牌嘅成功秘訣！」

Balia透露對時裝知識比前豐富，買衫時總會精挑細選，問到揀男友是否一樣時，她說：「係呀！都係要精挑細選，希望可以搵到個好男仔，最緊要係溝通到，有愛心！」對於早前被指與一名猛男食飯拍拖，Balia即說：「其實嗰位係普通朋友，身邊好多男性朋友，但未必係傳媒所想嘅新歡，感情事我都知道冇得強求，總之一切隨緣啦！」