楊汀汀化身港版貓女

平日愛以不同造型出席Party的模特兒楊汀叮，因工作需要而化身貓女郎，自言充滿正義感的她有意組成地球拯救隊，更打算為愛犬訂造貓女郎衫，齊齊鋤強扶弱！

模特兒楊汀叮早前加盟新公司後，即接拍微電影搵銀兼過戲癮，汀叮於微電影中以多個造型拍攝，包括律師、醫生和學生Look，她透露最喜愛Cat Woman（貓女郎）的造型︰「套衫特登由美國訂造，同蝙蝠俠電影中套衫一樣。」她表示穿上後會幻想四出行俠仗義，並笑言要做港版Cat Woman幫助市民「拯救地球」︰「我係一個有正義感嘅人，以前都會幫助老人家，所以呢個職責幾啱我去做！」

玩血漿報復

平日愛為家中寵物扮靚的汀叮透露有意為牠們物色卡通衫，雖然未有心水，但原來她有意訂造一Set家庭裝︰「我好鍾意買衫畀啲狗仔着，有諗過同我一齊着住Cat Woman衫，影張全家福，仲可以一齊出去拯救地球添！」問到會否怕別人的奇異目光？她說︰「咁我又唔會怕，依家呢個年代有好多人成日以唔同造型出街，都見怪不怪。」

此外，汀叮自爆首次穿上這套Cat Woman衫拍攝時，被現場的化妝師和造型師整蠱，為她化了一個驚嚇裝︰「因為我係合埋眼化妝，化完後照鏡見到個妝好驚嚇，自己都嚇親，之後我為咗報仇拎住血漿去整蠱番佢哋。」