林德信冇「逼」走軒仔

張敬軒被指不滿環球分薄資源給小師弟林德信（Alex）而心淡離巢，堅稱公司絕無偏心的Alex則否認與師兄不和。而與軒仔傳出「斷背」緋聞的胡鴻鈞就踢爆對方曾大吐苦水，並希望與軒仔「共冶一爐」，加盟星煥！

張敬軒日前被本報獨家披露因不滿唱片公司分配資源不均，矛頭更直指新加盟的Alex，加上公司無力為他開拓內地市場而感「冇癮」，故趁快約滿時離開環球唱片。Alex日前出席新人拉票活動時表示未有留意有關新聞，並否認與師兄不和：「唔覺公司有偏心！（同軒仔有偈傾？）見到會Say Hi，我有Follow佢社交網站。」

胡鴻鈞聽苦水

同場的胡鴻鈞與羅力威雙雙榮膺民選男新人王，軒仔的同性密友胡鴻鈞則踢爆對方早已訴苦：「我只係做個聆聽者，有聽佢提過吓，但詳情唔方便講，相信佢識處理！」問到會否希望軒仔過檔其所屬公司星煥？胡鴻鈞說：「都好想，但自己冇咁嘅能力。呢啲人生大事佢會有明智決定！」

此外，組合Super Girls獲選女新人王，身穿閃爆短裙的五人表示會請老闆何哲圖食大餐，並會在網上逐一留言多謝歌迷，隊長Aka更會炮製朱古力答謝粉絲：「之前整過阿華田溝提子味，但畀粉絲踩話好難食！」問到會否要求老闆幫手在頒獎禮爭獎？她們說：「可以咩？但我哋想靠自己實力拎！」