曹永廉黃浩然短訊傳情

曹永廉及黃浩然雖然早已認識卻不太相熟，直至拍攝電視劇《大太監》才成為「好兄弟」。曹永廉表示是次角色的成功全靠身邊一班好友的幫助：「拍呢套劇最開心係贏到友誼，佢哋一啲都唔自私，拍戲時黎耀祥同陳國邦成日提點我，而黃浩然就算冇佢嘅戲份都會留喺現場。我好少拍古裝戲，唔係好識處理，覺得好緊張，眼神好飄，節奏又錯，真係全靠呢班恩人幫我。」

曹永廉有段時間工作不多，只主持兒童節目，當時他非常灰心，但全靠黃浩然的鼓勵而振作起來，他說：「嗰時黃浩然比我仲早知道我會拍呢套劇，佢就鼓勵我要畀心機，把握機會！」現時二人縱使各有各忙，較難見面，但仍以短訊保持聯絡。