胡杏兒四度冧莊代言手錶

胡杏兒連續第四年擔任手錶廣告代言人，她自成為視后即廣告不斷，而今次拍攝的酬勞亦大有增幅，還有無限量的手錶供應，令其家中的收藏足以開錶展。

胡杏兒繼去年榮登視后後，身價升了不少，除返內地拍劇外，廣告亦一單接一單，難怪杏兒可以輕輕鬆鬆買豪宅！早前她以代言人身份與手錶品牌Temporis續約，並拍攝全新一輯廣告，當日杏兒只花6小時便拍了十多個不同的造型，並配上不同款式的手錶，而老闆娘亦有前來探班，更大讚杏兒夠專業。

感激「不離不棄」

對於連續四年擔任代言人，杏兒笑不攏嘴地說：「合約每年Renew，老闆娘都好錫我同支持我，成日無限量送錶，手頭上嘅錶真係多到可以開錶展，而且無論嗰期我紅唔紅，佢哋都對我好好！其實幾年前我仲未攞視后時，佢哋已經搵我拍廣告，之後加咗價，佢哋都堅持用番我。」問到酬勞有否增加一倍時，她說：「都有o架!但拍攝嗰日都有難度，因為隻手戴住手錶，仲要諗好多甫士，要喺不經意中表現出自信美。」

而剛剛拍畢新劇《衝上雲霄II》的杏兒已到內地拍劇，但都有出席TVB台慶頒獎禮活動，雖然已是視后，但杏兒不諱言有拉票：「邊個贏都開心，大家都係好姊妹，好同事！（冇鬥心？）咁樣做人壓力冇咁大啫！楊怡攞咗，徐子珊攞係遲早嘅事，最緊要友誼第一比賽第二，一齊加油啦！」提到即將來臨的聖誕節，她表示屆時身在內地拍劇，故不會在港慶祝。