Mr.紅館開騷天台預演

樂隊Mr.日前在大廈天台拍攝新歌《一首情歌》MV，除邀得數十名歌迷客串外，還請來模特兒飾演一對情侶，在Mr.獻唱時擺出多款親密姿勢，主音Alan更抵死地走到二人面前教他們攬錫姿態，即被取笑經驗豐富，他笑說：「都有唔少經驗o架！」將於明年在紅館開騷的五子為報答歌迷支持，即場加送多首歌曲，將天台變為小舞台，由於歌迷High爆不斷尖叫，Mr.說：「Keep住呢個情緒去紅館！」問到Mr.為何仍有時間拍MV？Dash說：「Rundown已經度好晒，亦開始咗綵排。（有冇意見分歧？）冇，反而做唱片有少少吃力。」鼓佬Tom表示因經常在Band房夾歌而沒時間陪老婆和仔仔，令老婆詐型。