馬來西亞歌手張智成因是單身一族，故自言最怕過聖誕節：「呢個節日係屬於情人，如果呢個浪漫節日要一個人過，我諗都會幾孤單！所以我通常都會喺聖誕節工作，麻醉自己，又或者搵單身朋友打牌！」
雖然智成對聖誕沒甚興趣，但他自爆曾過一個非常有Feel的聖誕節：「我2004年嘅聖誕節去咗拉斯維加斯，做S.H.E演唱會嘅特別嘉賓，記得當地聖誕好有Feel，唔同嘅人都拎住酒杯走到街上，然後同你講聖誕快樂，又會送份小禮物畀你，所以嗰年真係過得幾開心！」
張智成回憶在拉斯維加斯過的聖誕時一臉興奮！
