陳嘉寶蔡穎恩紙上談「禮」贈千萬支票

模特兒陳嘉寶及蔡穎恩經常出雙入對，感情要好！雖然今年聖誕不能一起過，但都抽空預早互畫「聖誕大禮」給對方。

陳嘉寶（Anjaylia）與蔡穎恩（Evelyn）於2008年7月因工作而結成好友，不經不覺已相識五個年頭。這對孖公仔不止經常孖住現身公開活動，私下交情亦頗深厚，大時大節都盡量聚在一起。

可惜，今年聖誕Anjaylia及Evelyn無緣一起歡度，因Anjaylia節目多多，正日都留給工作及教會，她說：「其實我好鍾意佢陪我食飯，聖誕過後一定會約出嚟食飯補祝！」而她們已想好送甚麼聖誕禮物給對方，並付諸實行將禮物畫出來！

男友即畫即有

兩位可人兒非常貼心，互相十分了解，所送的聖誕禮物簡直令對方甜到漏，Anjaylia說：「我一定知佢會畫咩送畀我！」原來Evelyn一直都想好姊妹盡快交個男朋友，有人錫有人照顧。如Anjaylia所料，Evelyn「畫公仔畫出腸」，畫了一位「高帥富」男友，Evelyn卻說：「其實唔使我送，因為我相信佢嘅眼光，一定會識到好男仔。」Anjaylia則十分實在，畫了一張千萬支票，寓意任何東西都可手到拿來，此外，因Evelyn經常生病，故Anjaylia說：「其實最希望都係Evelyn身體健康，同埋錫自己多啲。」