陳庭欣讚「男友」搞笑

前港姐冠軍陳庭欣（Toby）與緋聞男友翟威廉最近參演節目《瘋狂歷史補習社》，兩人一改正經形象裝出搞鬼表情，齊齊破格搞笑。Toby大讚翟威廉演出甚佳：「今次啱晒佢，其實佢個人都係咁，唔鍾意做小生，想搞笑o架！」在外國讀書的Toby透露其中史知識只得中二程度，因此背稿時頗有難度，加上同場的搞笑高手古明華及安德尊經常「爆肚」，大考其急才：「佢哋個個都好犀利，令到氣氛好好，其他人都會跟住變得放咗！」她表示很開心，因可穿上不同年代的古裝，最難忘是她首次穿清朝高底鞋扮光緒皇帝的謹妃：「我個角色要含住棉花扮肥妹，又要着厚衫，連廁所都去唔到！」