周秀娜末日封咪

周秀娜昨日收起性感，以代言人身份在旺角行人專用區出席《領域電訊X周秀娜「等緊你」》發布會，問到為何如此密實，她笑說：「翻風呀！咪咪縮，佢都要有末日福利，畀佢抖吓，末日後就會重生同大家見面。（驚人多危險？）唔會，呢度嘅保安人員多過我啲朋友，好安全。」至於今天「末日」會怎樣過，她坦言不是太相信，所以沒有特別去想怎樣過：「反而有諗聖誕點過，我今朝就忙住揀聖誕禮物畀屋企人，揀咗好多手機同相機。（有冇折？）有代言人Discount。（送咩畀男朋友？）佢好有孝心，佢諗住入侵我屋企嘅領域，所以要佢埋咗單先，我會送個折畀佢。」她又打算煮聖誕大餐給家人吃：「係第一次，雖然我煮嘢唔係好叻，但我會睇定啲食譜。」