夏韶聲：引起恐慌唔係我

DJ潘紹聰早前在網上電台節目中，不點名直斥有藝人四出散播末日訊息，製造恐慌，矛頭直指日前在電視節目中發表「末日論」的夏韶聲。本報記者昨日致電夏韶聲，他對有關指控即時反擊：「知道有人講我，但我冇製造恐慌，一直都同人講預防訊息，唔好妒忌我做嘅節目好收視，引起恐慌嘅人唔係我，而係將末日訊息發放嘅人！（潘紹聰強調冇指名道姓斥責邊個藝人？）藝人唔應該亂講嘢，依家啲人好容易受人哋嘅說話影響，咁樣製造恐慌唔係咁好！」

此外，不少藝人趁昨天是「世界末日」前夕，分享與另一半的愛。陳松伶（松松）與內地男藝人張鐸結婚後一直恩愛，她昨天上載老公咬其面頰的合照，並寫道：「末日前這樣子相愛吧！」而o靚模Naomi（馮鎵瀅）亦上載與男友的攬攬照晒幸福。