吳彥祖劉燁對親家

型男吳彥祖（Daniel）與劉燁拍戲拍到對親家，並承諾一百年不變。已為人父的劉燁看中Daniel及Lisa S.靚人品種，深信兩人結晶品必屬「國色天香」，即為兒子「下注」定終身，將來誓娶吳家女兒。

吳彥祖、張震及劉燁三大帥哥前晚雲集香港，為英皇電影《王的盛宴》首映禮宣傳，Daniel獨自赴會，未見老婆Lisa S.同行，他表示太太不舒服，經常作嘔作悶，只有吃東西時才好一點，所以身形開始暴脹升Cup：「佢以前好瘦，依家個Pat Pat同個胸好大，但淨係可以睇，唔掂得嘅，但我幾鍾意佢多番啲肉。」

希望囡囡生得醜

Daniel事先張揚會做呷醋老竇，怕囡囡被人溝，所以希望囡囡生得醜樣，不過話口未完便與劉燁「私訂終身」，劉燁在微博上載與Daniel勾手指尾的定盟約相：「拉勾！上吊！一百年不許變！倆爹背着媳婦把娃的大事定了。」劉燁指自己的兒子生得漂亮，預計Daniel的囡囡亦會有所遺傳，所以兩位老爸先下訂了。

另外，張震有份拍攝的《一代宗師》成為柏林影展的開幕電影，他指已多年沒有參與此盛事，希望屆時能抽空出席。而他對《一》片是否確實完成亦未敢肯定：「係啦！依家應該做緊後期，但仲未收到通知做配音。」他花了近三年時間拍攝，但仍比《2046》的五年時間短，他說：「同導演（王家衛）次次都有驚喜，都習慣佢嘅方式，導演慢工出細貨，追求完美！」