張衞健：請佢去我間新花雕雞

曾志偉涉嫌掌摑黃浩而被捕，轟動全城，引起圈中人議論紛紛！

張衞健：「志偉有咩大風浪未見過？有足夠IQ、EQ去應付，對佢有信心！我會打畀佢講我開咗間新嘅花雕雞，有VIP房，問佢嚟唔嚟！」

傅明憲：「志偉係我好尊重嘅前輩，佢好有責任心，有咩天災人禍都幫手！佢一定會逢凶化吉，大步檻過，一定唔會有事！（致電慰問？）唔會因為咁小事煩佢！」

蘇志威：「咁大件事？你哋講我先知，所以都幾驚訝！（打畀志偉？）唔會啦！完全唔知咩事！」

陳志雲昨日出席《維特健靈慈善單車馬拉松2013》活動時說：「唔方便講，多多包涵！不過志偉EQ高，加上喺娛樂圈咁多年，可以處理得好好！」晚上他開P慶生：「今日係慶祝生命，唔係末日！」