祥仔帶菜開「攬炒P」

志偉昨晚相約好友在觀塘開「攬炒末日派對」，佘詩曼、阮兆祥、錢嘉樂、湯盈盈、梁烈唯、周家蔚及苗僑偉等撐場。阮兆祥手挽一大袋蔬菜，問到派對有甚麼搞作？他冇厘正經地說：「打邊爐、嗌到會，殺人放火咁囉！（問候志偉？）佢需要咩？我問候佢？我驚……其實都冇咩嘢，落口供啫！」梁烈唯拖實女友Tina到場，問到會否慰問志偉？他說：「唔講喇！（擔心世界末日？）我啱啱拎獎，唔會咁快死呀？但可能有啲事發生！」錢嘉樂則表示志偉已報平安，不用太擔心，而阿佘則未有回應。