歌手羅力威及連詩雅（Shiga）等昨日出席拉票活動，提到師兄古巨基冇份角逐我最喜愛的男歌手獎而寸爆主辦單位？入圍五強的羅力威說：「我唔知。（有網民鬧爆你入選而基仔冇份？）其實呢件事唔係好嚴重，當係Noise囉！」
而首度有歌曲入圍叱咤我最喜愛的歌曲二十強的Shiga說：「心情都好激動！朋友都話會投票支持我，仲有好多人話隻歌好有共鳴！」
羅力威每次出席活動都不乏粉絲捧場。
