天華大戰三索女高呼頂唔順

謝天華主演的新劇《法網狙擊》明晚首播，他在頭三集已獲無綫優待，享盡艷福，與「宅男女神」苟芸慧車震、被陳庭欣勁拋胸力壓及與花旦楊怡連環激咀，無綫大灑鹽花谷收視，天華卻倒米嗌辛苦：「面對三個靚女，我都好有定力！你知車櫳有幾大啦！畀陳庭欣壓住唔郁得，拍完成個人散晒，出晒汗！（老婆監場？）佢不嬲唔做呢啲嘢，個劇出街佢就一定會睇！（苟芸慧因車震戲，被輿論壓力逼到喊？）我有同佢傾過，拍戲要認真，但衍生嘅緋聞就唔使認真，呢件事都好，等佢日後識應變！」苟姑娘接受電話訪問時坦言經一事長一智：「依家每日忙拍劇，都冇時間諗太多，經過上次件事，依家學識咗點處理！」

此外，黃智雯在劇中扮演內地來港等候產子的雙非孕婦，除了大鬧醫院，更發揮「強國人」本色，把好心收留她的許紹雄及所有港人均當做阿四般差遣，自以為有錢大晒，嘴臉與對白極盡尖酸刻薄，隨時觸及港人敏感神經又得失內地觀眾！