胡定欣自詡「死得震撼」

有份提名最佳劇集的無綫台慶劇《大太監》昨晚在商場播出大結局，多位主角包括黎耀祥、米雪、胡定欣、黃浩然及陳茵媺等穿上清朝服裝到場，與約200名觀眾邊食飯邊睇結局，場面熱鬧！無綫外事部副總監曾醒明透露，《大》劇及日前播出的《名媛望族》結局均獲商場贊助六位數字，令TVB共有逾百萬元進帳。監製羅永賢透露今晚播出的結局是胡定欣死去及黎耀祥對米雪繼續忠心的版本，另一個結局則於半夜在mytv播出。定欣得知播出其身亡的結局說：「死係幾震撼，我前兩日睇《大》劇睇到喊！（準備紙巾？）有帶，但唔會立亂喊，最好係觀眾睇到喊！（想拍續集？）有聽過，我都想原班人馬再合作。」