香香「飛躍女」票選黃智雯

今年飛躍進步男、女藝員之爭，在沒公投下更見明爭暗鬥，「飛躍女」熱門黃智雯和岑麗香可謂爭崩頭，據知胡定欣很可能膺最佳女配角，故有份競逐該獎的黃智雯或會有同情分；而「飛躍男」則是梁烈唯和蕭正楠之爭，但唯唯仍被睇高一線！

除了視帝、視后及最佳劇集有全民公投外，其餘9個大獎均由無綫3,500名員工投票，以及由李寶安、樂易玲及余詠珊等9大高層定生死。據知，飛躍男、女藝員兩個大獎競爭相當激烈，熱門人選票數相當接近，相信「飛躍女」已離不開「關二嫂」黃智雯及「宅男女神」岑麗香之爭，而「飛躍男」則由「關二哥」梁烈唯和「鹹魚翻生」的蕭正楠兩虎相鬥。

唯唯被睇高一線

其實無綫全台員工連日來已陸續投票，據知情人士透露，黃智雯和香香的票數不分軒輊，但在9大高層佔三成決定權下，誰奪「飛躍女」更添變數。由於胡定欣深得高層歡心，已坐定粒六膺最佳女配角，故同樣有份競逐該獎的黃智雯很可能攞盡同情分，在「飛躍女」佔得先機。至於「飛躍男」，梁烈唯今年於《缺宅男女》等劇中的進步有目共睹，高層亦屬意他奪獎。

視帝視后好難揀

香香昨日到銅鑼灣鬧市出席手袋活動時，被問到有沒有信心奪獎？她說：「冇諗過，有份提名已經好開心，真係冇乜壓力，我都冇投票畀自己！Try My Best已經好開心，只期待着靚衫扮靚靚睇騷。」並透露「神聖一票」已投給競爭對手黃智雯：「『飛躍女』已投咗畀黃智雯，因為我好鍾意佢演『關二嫂』呢個角色！而『男配』就投咗畀古明華！」問到心水視帝、視后誰屬？她大賣關子說：「唔想講，因為真係好難揀！」