陳煒扭籮峰殺東華

現年39歲的陳煒過檔無綫後非常搏命，前晚於《歡樂滿東華》中俯身露事業線大耍「震波功」，輕鬆揮低「巨峰」港姐許亦妮，而表演踩燈泡的朱千雪和敖嘉年更緊張得失準！

前晚播出的《歡樂滿東華》最「震」撼環節，莫過於陳煒（煒哥）偕應屆港姐黃心穎、許亦妮（Whitney）及張秀文的肚皮舞表演，相比騷小蠻腰的後輩，39歲的煒哥可謂搏到盡，除了露腰及晒白滑雙「峰」外，舞動時更於人前扭籮兼俯身大耍「震波功」，香艷程度爆燈，平日愛拋胸的Whitney頓時失色百倍。煒哥事後表示做足安全措施，服裝則由公司安排。問到會否怕比較身材？她說：「唔怕，佢哋都大過我，我Cup數低啲咪露多啲囉。」Whitney則笑言煒哥「好澎湃」，又稱希望節目大人細路都接受，亦不介意作性感打扮。

而港姐朱千雪與敖嘉年表演騎膊馬踩燈泡時「乸口乸面」，十分緊張，朱千雪未騎先爆燈，孭住她的敖嘉年更一度倒退跌落下層，相當驚險！敖嘉年直言表現比預期差，練習時只踩爛幾盞，但當晚至少踩爛八盞，朱千雪則笑言可能因為她肥了！

扮貓叫籌二百萬

踏入凌晨，東華更令觀眾「瞓唔着」！善長Carmen及Kathy扮貓唱歌劇，全程只有喵喵聲，交足戲似在對話，令全場O嘴，但這環節卻成功籌得200萬元。至於「肥Bob」林盛斌更扮女人與陳國峰咀嘴！整晚本籌得90,296,517萬港元，最終由總理加碼至90,388,888萬元作結，打破去年紀錄。至於籌得最高善款、396萬港元的項目是丁凡表演的粵劇，蓋鳴暉與吳美英的演出則以266萬元屈居第二。