葉俊亨龔嘉欣互摸慶合合

一向傾慕無綫小花龔嘉欣的葉俊亨，終可一嘗與「女神」共舞滋味，除了輕撫對方面珠及香肩外，更埋身攬實伊人的小蠻腰，令全場火速升溫，恨死一眾宅男粉絲！

馬來西亞歌手葉俊亨（Hank）前晚與羅力威及Super Girls等新人出席新城拉票活動，被指唱腔似足李克勤的Hank獻唱金曲《高妹》時，穿橙色小短裙的龔嘉欣突然現身台上，與他拖手跳舞，兩人更大跳貼身辣舞！Hank撫摸對方的面珠調情，更輕掃伊人的香肩。跳到興起時，兩人更儼如一對小情侶般深情「互電」，最後Hank更攬實伊人纖腰，令觀眾看得血脈沸騰！

邀拍MV望有下文

事後，Hank表示早在馬國煲劇時，已「Mark實」嘉欣，他說：「我提過話呢個女仔好靚，係我心目中嘅女神！之後公司就安排咗佢同我伴舞，真係好驚喜！」他甫見「女神」時已主動出擊，互相「抄牌」兼追問私人問題：「我好鍾意鼻高嘅女仔，我有問佢同男友Kiss時，會唔會撞到對方？」問到血氣方剛的他跳貼身舞時，「小Hank」有否不禁「起立」？他尷尬笑說：「呢啲男人嘢，私底下再傾！」本月底再來港出席頒獎禮及過新年的他坦言，渴望與嘉欣合作拍劇，並承諾會邀請對方做MV女主角。