黎耀祥派禮券拉票

劇集《愛．回家》一班演員昨日為台慶頒獎禮拉票，但身為劇集《大太監》主角的黎耀祥同樣到場，他說：「公司叫我嚟就嚟，好乖o架我！」對於獲周潤發點名力撐，祥仔大感高興：「佢係大家嘅偶像，真係開心過攞獎！冇諗過佢有留意，要請佢食飯呀！」近日忙於拍劇的他無暇拉票，記者提議他踩林峯場拉票，祥仔笑說：「咪玩啦！觀眾自己心中有數。（徐子珊都話派禮券拉票！）咁我將台慶抽到嘅減肥禮券拎嚟派！」同場的劉丹對於兒子劉愷威被傳年底娶女友楊冪，他說：「冇聽過，佢哋喺適當時候會做o架啦！」