鍾嘉欣吹雞爭視后

鍾嘉欣（Linda）在簽唱會發功，冧得宅男Fans「硬晒軚」，又呼籲Fans投選她成為今年的「視后」，雖自知並非「視后」大熱，但覺得也有爆冷機會，恨獎恨到出晒口！

鍾嘉欣昨日舉行第三場新碟《lovelovelove》簽唱會，獲近百Fans支持，對她愛護有加的唱片公司老闆何哲圖全程「傍實」。她在玩遊戲時擺出可愛心形甫士，同台的宅男Fans被電到硬晒軚！雖然無緣入選「我最喜愛的電視女角色」，但Linda未有氣餒，並鞠躬拉票博做「視后」：「希望大家支持4號《護花危情》嘅『喬子琳』（劇中角色）！」更有Fans派發拉票傳單。

末日前分享愛

Linda自認是「視后」黑馬：「我選溫哥華小姐同華姐時，人人都話我係黑馬，但都好Lucky！之前我選美係7號，唔知今次4號會唔會都咁Lucky？」問到緋聞男友伍允龍可睇好她封視后？她尷尬地說：「唔講呢啲喇！講番唱片啦！」有指她本跟無綫續約3年，但其後變8年長約，以致沒籌碼爭視后寶座，她稱報道非事實，但要尊重合約精神，不可透露詳情：「報道中嘅年份同時間都係錯，總之係開心年份同開心價錢！」

Linda新碟口碑、銷量俱佳，但因忙於拍劇而無暇慶祝，連聖誕禮物亦只能上網選購，有傳世界末日將至，故她想送禮給更多朋友，尤其要多謝何哲圖。