為醒獅點睛勁好奇

現身馬場前，肥溫以Longines優雅形象大使身份出席品牌旗艦店開幕，並為醒獅綁蝴蝶結及點睛，她對醒獅儀式很感興趣，更詢問為何醒獅口中有生菜（採青的青），期間，有市民闖進記者區拍照，最終被保安拉走。

談及獲頒授CBE（大英帝國司令勳章）銜頭，她說：「我冇諗過作為演員可以得到呢個榮譽，可以去白金漢宮見英女王。（子女以你為榮？）我以佢哋為傲就真！」她此行逗留31小時，未能四出觀光：「尋晚喺船上欣賞過幻彩詠香江，又喺酒店品嘗地道美食，希望將來有機會再嚟旅遊。」再問到獲英女王授勳的感受，她說：「佢皮膚好靚、好友善、好優雅同好健談，我哋有傾偈，同佢見面至係真正榮譽！」此外，對於同是品牌優雅形象大使的郭富城希望由她拉頭馬，她說：「好呀！希望佢隻馬會贏！」