夫婦出門減低影響 麥玲玲：老婆出頭冇事

曾為黃浩、徐淑敏做媒的玄學家麥玲玲，對事件愈鬧愈大坦言未有為二人擔心，因為算過夫婦寓所門前動土犯土煞，只要夫婦出門，離開原有磁場，便可借地運減低影響：「街外人點睇我唔知，但黃浩份人係知無不言，言無不盡，唔明點解當年食店收貴錢依家再講，當時佢都冇講啦？以我所知，佢哋真係有個夥計搞事囉！只係黃浩處理得唔好！（擔心佢哋婚姻受影響？）唔會，老婆個樣夠親和，有咩事等老婆出嚟講就會冇事。」

曾為徐淑敏（右）牽紅線的麥玲玲，建議出門避是非。