君如呻志偉被抽水

梁漢文（Edmond）昨日在活動上被問到曾志偉被捲入黃浩掌摑事件，據悉事發時Edmond全程傍實志偉，他說：「我好耐冇見志偉，所以同佢傾耐啲囉！（當日有份拉開志偉？）事件唔方便講，因為有人報警！」問他是否同意志偉的「食屎狗論」，他說：「後輩尊重志偉，我哋叫佢做爸爸，如果仔女唔啱都會鬧吓我哋，如果搞到佢出手，我諗小朋友都幾曳！（爸爸捍衞仔女趕鄰居走？）佢一把年紀，唔好激親佢，總之無論點，我都撐志偉！」再問到對於黃浩反口一事，Edmond表示跟對方不熟。

至於吳君如昨日出席活動時亦力撐志偉，更認為有人在事件中抽水：「我梗係撐志偉！志偉咁出名，有時畀人抽水，今次事件絕對係抽水！雖然唔知志偉有冇打人，但事件牽涉好多名人！如果我仲講咪抽埋我水？所以我唔回應。」歌手區文詩（Angela）前晚出席節日亮燈時說：「我同陳維尊（飯局召集人）同過居，佢平時好健康，班藝人好無辜，我相信佢哋嘅為人，但我同Kenny（黃浩）都係朋友，佢份人咩都據理力爭，好孝順，私底下係好重感情嘅人，依家兩邊搞成咁，我立場好尷尬。」而張艾嘉昨日出席活動時說：「以我認識嘅志偉係唔應該係咁嘅！」