金剛五官百變Chok出「愛」

曾被前女友當面講過「你五官分開會好靚,拍埋一齊就搞成咁」的藝人金剛,今次就用眼、耳、口、鼻擠出爆笑古怪樣,再度引人發笑!金剛在數秒內極速Chok樣,無論驚慌、疑惑、O嘴、咬牙切齒或是「性感」Look,他均能透過五官表達到,非常入戲!

雙手捉實鐵閘的金剛,樣子十足十想爬閘逃出生天一樣,卻不知何事而如斯恐懼。難道因先後與圈中索女傳緋聞而害怕被追訪?不過,金剛表情爆趣及樣子極度可愛,難怪他轉戰香港娛樂圈後緋聞不斷,當中不乏靚人索女,先是港姐張嘉儀,再是神獸蔡慧欣,最近更與前港姐許亦妮傳緋聞,可謂艷福無邊!

一臉惶恐的金剛如鬼上身般,未知會否獲邀拍鬼片?

入戲的金剛,眼、耳、口、鼻連環Chok,相當抵死!