發哥貼心水視帝視后

國際巨星周潤發前晚出席電影《大上海》首映禮，出名是電視迷的他，亦有緊貼視帝、視后的選情，發哥更透露他的心水視帝、視后人選。

周潤發前晚出席《瑞士天梭表˙大上海˙仁愛堂蔡黃玲玲教育基金慈善夜》，宣傳新片《大上海》，亦不忘娘家無綫今年搞搞新意思的全民投票選視帝、視后，發哥透露心目中的視帝、視后人選：「大熱咪黎耀祥啦，女仔胡杏兒、楊怡。我睇楊怡後期多啲，我返嚟只睇到徐子珊結局，佢吸毒嗰場都幾好。（強姦嗰場？）好少咋嘛！好似楊怡長少少，佢都有畀人強姦o架！（劉松仁？）好，但佢好似唔係親生仔喎！（林峯？）黎耀祥係親生仔嘛！男配角應該係古明華同陳國邦啦，演藝學院鬥演藝學院，女配角就係江美儀啦！」

談到曾志偉捲入與黃浩的紛爭，發哥笑言志偉經常飲醉酒。他又表示將與謝霆鋒合作拍新片，霆鋒身材很Fit，他亦要再減十磅八磅。

與鎮宇鬥Chok

同場的吳鎮宇和周潤發合照時在台上鬥Chok一番，十分搞笑。談到與胡杏兒粉絲在微博的罵戰，鎮宇說：「粉絲留言係《衝上雲霄Ⅱ》以外嘅事，不如叫佢哋去番自己嘅地方發表，我想我啲留言乾淨啲。」對於是次與周潤發合作，他說：「我同朋友講同周潤發合作拍電影，但自己做反派，朋友問咁你仲想點呀？」他亦笑言若有機會與發哥調換角色，他也受不起。