Rainbow送波餅氹新歡

性向成疑的o靚模胡心諾(Rainbow)最近與蜜友Miho關係有變,轉黐高大靚仔新歡,日前她陪新歡夜蒲,全程翹實男友滿場飛,不停向友人示威,兩人全晚恍如連體嬰,不時甜蜜地頭貼頭傾偈,期間新歡用手機WhatsApp,Rainbow醋意十足地(目及)到實,新歡對Rainbow的貼身癡纏相當受落,一度更拖到實陪她往洗手間,氹到Rainbow一臉甜笑。

蒲至凌晨3時半,Rainbow和新歡先行離開,兩人十指緊扣地步出,行到樓梯時,Rainbow再施冧功,雙手捉實新歡手臂,將身體緊緊貼實,有意無意送波餅。記者致電Rainbow,問是否拍拖,她即緊張地否認,並說:「普通朋友嚟啫。(但影到你哋拖手喎?)可能自己飲咗啲酒,熱情啲啫!」

Rainbow離開時施展冧功,雙手翹着新歡送「暖」。