拒着自家內衣益男友 娜姐:驚佢雙眼生嘢

周秀娜昨日為日本內衣品牌的網上商店主持開幕禮大局,已升呢的娜姐有參與設計,並以老闆娘身份出席,問到是否身價高而不再行內衣騷?她說:「我冇收埋,個胸仲存在,只係今日身份唔同,難得以老闆身份揀模特兒。(你唔做生招牌?)我之前影咗好多相放上網。」為宣傳自家品牌,她自言推了不少內衣騷,現場所見她設計的內衣都以透視為賣點,但她否認是自己的喜好。問她可有試穿給男友欣賞?她說:「我作為生意人當然咁諗係正常,咁佢人緣咁好,多女性朋友。(佢買嚟送畀人喎?)我都買咗送畀朋友啦!(將所有款式都着畀男友睇?)我驚佢雙眼生嘢!」

此外,娜姐表示會物色舖位,又指買舖比買樓抵,因樓價太高。雖然做老闆娘,但她強調不會放棄剛起步的電影事業。

娜姐雖然榮升老闆娘,但不會放棄演藝事業。