前言不對後語

藝人集體吸毒風波因黃浩的言論愈演愈烈，但他經常前言不對後語，令人無所適從，公信力大打折扣。

前：「當日有班名人、藝人配偶喺入面捲煙草，有啲丸、粉，我唔知係乜嚟嘅。」

後：「十年前我係見過有外國人捲雪茄。我係見過有人啪解酒丸。」

前：「（有冇睇過條短片？係咪有藝人喺你間餐廳吸毒？）我覺得係。」

後：「我無睇過任何人喺我餐廳內做任何非法行為。」、「唔係我話有藝人吸毒，而係外面有傳。」

前：「除非警方要我交出短片，否則我唔會公開段片。」

後：「我冇片，我亦冇睇過段片。」、「閉路電視段片我上年十月已經交咗畀警方。」

前：「保安顧問話涉及私隱問題，VIP房唔可以安裝閉路電視，已即時拆走。」

後：「上年10月我屋企搬屋，間屋比之前大咗，所以我將啲閉路電視裝咗番屋企。」

前：「有前員工向我兜售呢條短片。（勒索廿萬？）係。」

後：「係冇前員工勒索我，係有人恐嚇我。」