胡定欣倒吊「零」胸晒腩

一年一度的《歡樂滿東華》，港姐許亦妮、黃心穎、朱千雪等與捲入是非的曾志偉表演「六國元帥賀東華」，許亦妮自言首次化大戲妝：「個樣老咗！但大戲妝令樣好同樣醜都化到好靚。（你樣好定醜？）各花入各眼！（你大戲Look都好『導彈』？）係？陣間表演肚皮舞仲勁，公司畀機會啫！」至於無綫花旦胡定欣昨晚以紅色露腰裝演出，勁晒腰間豬腩肉，她說：「練咗成個禮拜，條絲帶好長，好難控制，演出時要執生，仲有倒吊。（點解唔減吓肥？）拍《衝上雲霄Ⅱ》食肥咗！陣間威吔勒住個肚，條腰會收番。（驚甩衫甩褲？）唔會！試過好安全，點扯都唔甩。（倒奶？）絕對唔會！」無綫小花梁政珏則以Deep V騷胸兼露腰表演魔術，她說：「我練到手瘀腳瘀，件衫係公司安排，幾靚呀！（做足安全措施？）有打底褲。（你好鍾意走光？）你講咩話？」表演期間，定欣左腳腳趾不慎踢到鼓，結果令其啫喱甲脫落兼流血，事後她笑言沒大礙。

另外，原定為「東華」獻唱的歌手鄧紫棋（G.E.M.）意外失場！她昨日在北京出席完簽唱會後，因塞車問題而趕不及返港演出，倒楣的她更與助手一度滯留機場！